Миний бие урд нь газраас харвах харваагаар бие даан хичээллэдэг байсан бөгөөд  Энэхүү монголчуудын нэгэн чухал өв соёл үнэт зүйлсийн нэг болсон морьт харваагаар хичээллэхэд тухайн үед нэг ч клуб бас зааж сургах хамт олон багш хомс байлаа.

Аливаа зүйлийг сурахад багш болоод клуб хамт олон хэрэгтэй байдаг. Ингээд надад клуб байгуулах бодол төрж 2018 оны 8 сарын дундуур 5 нум сум, 100 ширхэг сум худалдан авсан юм. Тухайн оны 10 сард Өвөр Монгол руу тэмцээнд явж Өвөр Монголчуудаас клубийнхээ НАМНАА нэрээ олж авсан бөгөөд Өвөр Монгол энэ соёл одоо хүртэл тодорхой хэмжээнд уламжлагдан яваа гэдгийг олж харсан билээ.

2 жилийн хугацаанд манай клубээс морьт харвааны улсын аврага гадаад болон дотоодын тэмцээний аврагууд төрөн гарч нийтдээ 100 гаруй хүмүүст морьт харваа болон  харвааны сургалтыг зааж сурган монгол өв сёолоо таниулах үйлсийг хийжээ. 

Намнаа клуб нь монголын морьт харваанд монгол унаган язгуур харвах намнах арга барилыг дахин сэргээж харваач намнаачдын дунд эртний монгол саадаг хоромсго,  нумны соёлыг сэргээж  мөн эртнйи язгуур монгол дээл хувцас агсарганы соёлыг дэлгэрүүлэн хөгжүүлж жинхэнэ харваач намнаачийн жинхэнэ дүр төрх гаргаж иржээ.

Мөн монголдоо анхны заах сургалтын хөтөлбөр бүхий морьт харвааны анхны клуб юм.

2020 оны 11 сараас дотоод бүтцээ шинэчлэн Намнаа Академи /Мэргэн Намнаа ТББ/ болж өргөжин ажиллаж байна.

Намнаа Академийн үүсгэн байгуулагч, тэргүүн Н. Алтанхуяг